啊......

天啊...我好煩...
而家煩緊保險既問題..
我應該去買份意外保險好丫..定應該直接買旅遊保好呢..
旅遊保我又買幾耐既好呢...
唔知淨係買1個月既旅遊保險會唔會拎唔到visa呢..

嗯....~"~

仲有印章..
今日去問過做印章的地方..
發現原來銀行印章係唔可以用木做的..
一定要用果種係叫牛骨的印材丫..不過係香港既..日本就唔知lu..
但係我諗都係唔好用木整會比較好..雖然用木整既會平好多><嗚

之後返黎諗住睇下日本D印章的規格..
嘩嘩嘩~不得了..睇到頭暈眼花都唔知佢講乜...;;;
淨係知佢果邊有分好多種印鑑..
有'認印', '銀行印', '實印'。
認印係無分用途的印。例如用黎收下快遞之類。
銀行印顧名思義就係銀行用的。
實印係要有登錄，要有登記証明書的。應該係買樓買車買保險時用（？）
而最重要的，要收埋係安全的地方的係實印，因為佢就代表住你自己的簽名。

有人問實印同銀行印唔可以用同一個咩..
唔係唔得..不過要小心收好..唔見左或者比人偷左就大獲喇。
而且聽講仲會比人笑丫!..
唔好問點解..呢個係日本的常識..香港人係無能理解的。

另外，
標準的銀行印SIZE係１２ｍｍ、但係大少少１３.５ｍｍ的一般都沒問題的。
實印就有分男女...女既用１３.５－１５ｍｍ，男的用１５－１６.５ｍｍ。
認印就係１０－１２.５ｍｍ。認印係用得最求其（？）所以千祈唔好同上面兩種印共用丫。

我諗我應該要一個銀行印就ok了..囧。